समजूत…

समजूतदारपणे स्वतःला
समजावण्याची सवय झाली
आताशा तर जरा वेगळी वाटही
टाळायची सवय झाली

जातो परी सामोरे धैर्याने
भीती तरी ना कमी झाली
बंदिस्त माझी चाकोरी प्यारी
तोडायाची ना हिंमत झाली

कोणी म्हणे स्वार्थी तु
तो स्वार्थही आज गरज झाली
फुकट्यांच्या ह्या जगात सार्य़ा
दयेचीही भीक झाली

एकसुरी ह्या जगण्यात आता
मोकळं हसण्याचीही चोरी झाली
वेडं म्हणेल दुनिया सारी
म्हणत भावना ती शुन्य झाली

खोट्या खोट्या मुखवट्याआड
माझं मीपण मी हरवुन गेली
हसता हसता रडण्याचे आज
कसब नवे शिकुन गेली