“आई ए आई
सांग ना गं बाबांना
ह्या सुंदर जगात येण्याआधीच
नका ना काढून टाकु मला”

गर्भातली पोर् माझ्या आज
मनापासुन बोलात होती
नको गं मारु असे मला
म्हणुन मनापासुन कळवळत होती

पण कसं सांगु तुला बाळा
आज तुझा बापच तुझा वैरी झालाय
आजीच्या पदराआडुन वार करताना
तोही त्याच्या मनासारखंच करतोय

म्हणे त्यावर पिल्लु माझी
” नाही मी त्रास देणार बाबांना
राहीन नेहमीच आज्ञेत त्यांच्या
सांग ना ग त्यांना”

इंदिरा,कल्पना,लता
नाही होणार कदाचित
पण् गर्वाने बाबा म्हणवाल माझे
असे नक्किच करेल काहीतरी

तु नको रडुस आई पण एक सांगशील मला?
मुलीचा जन्म हा का गं गुन्हा झाला?
जिच्या गर्भातुन जन्म घेतला
त्या स्त्रिचा इतका का गं ह्या जगाला तिटकारा