न रुजलेल्या नात्यांचे

न रुजलेल्या नात्यांचे
मनी जपले बंध अजूनही
अधुर्या त्या वचनांचे
सल बोचरे अजूनही

न सुटले काही प्रश्न
शोध उत्तरांचा अजूनही
निसटलेल्या श्वासांचा
मनी हिशेब अजूनही

निसरड्या वाटांवर
पावलांचे ठसे अजुनही
तोल जाता पुन्हा
सावरल्याचे भास अजुनही

अर्थ त्य मौनांचे
उलगडतात नवे अजुनही
न बोललेले सारे
उगा आठवतं अजुनही

सुटले हात हातातले
तरी आहेस तु माझ्यात अजुनही
बघ डोकावुन माझ्या शब्दात
दिसशील तुच तिथे अजुनही