देव

काय सांगु बाळा तुला
काय बोचते मला रे
देवपणासही ना चुकले माझ्या
कसे लपवु असंख्य घाव रे

दाटुन आलं आभाळ
की वेडं जग सारं नाचे
रडतो तो बाप्पा तिथे
अन् जग त्या आसवांत न्हाते

दगडातल्या देवाला
का इथे शोधतो तु?
मनाच्या गाभार्यात देव तुझा
का उगा सैरभैर तु?

माझेच जग माझे
मज अनोळखी भासले
निर्मिले मी एक जे
आज असंख्य वाटे जाहले

कुठे शोधिसी मंदिरात
देव का गाभर्यात आहे
बघ रे तु तुझ्यात क्षणभर

देव तिथे सुरक्षित आहे