नकोनकोसे म्हणताना

नकोनकोसे म्हणताना 
पुन्हा गुंतणेच उरते हाती
तोडायचे म्हणतानाही
मन धावते तुझ्याच पाठी
चिवट रे हा बंध नात्याचा
अवघड सोडने ह्या गाठी
खर्या खोट्या खेळात ह्या
रोज हारते मी तुझ्याचसाठी

लपवलेल्या जख्मांचा कधीही
ना बाजार मांडला मी
मनी जपल्या भावनांचा
तसा कोंडमाराच साहला मी
भोगताना भोग माझे 
ना तुला जरी कोसले मी
वेदना येता ओठी 
तुला आठवांत शोधले मी

वाटते कधी मलाही
का नाते असे हे कमनशिबी
क्षणाक्षणाला का जपावे
नवे घाव मी उराशी
समजुन घेताना तुला रे
जरी चुकले मी जराशी
बघ एकदाच फिरुनी
नव्याने एकरुप् होईल तुझ्याशी